Published On: 24 Nëntor, 2016

Vrau italian se i prishi gjumin, nëna kërkon dënimin maksimal për shqiptarin

Nëna e financierit italian Francesco Maria Pennacchi, i vrarë nga shqiptari Lorenc Prifti i ka shkruar një letër presidentit italian, Sergio Mattarella. Ajo kërkon drejtësi për djalin e vrarë nga shqiptari.

Gjatë seancës së 28 tetorit, prokurorët kërkuan burgim të përjetshëm për shqiptarin. Por avokatët e shqiptarit 44-vjeçar kanë kërkuar gjykim të shkurtuar dhe me këtë rast, masa e dënimit shkon në 30 vite.

Gjithçka do të vendoset në seancën gjyqësore të 25 nëntorit. Maria Isabella De Ninno në letrën e saj kërkon një dënim shembullor për shqiptarin dhe jo falje të dënimit, siç e quan ajo gjykimin e shkurtuar.

Si ndodhi vrasja?

Gjithçka ka nisur me një festë në studion e financierit italian Francesco Maria Pennacchi, 32 vjeç, në zonën e Velletri (Romë).

Dhe shkak është bërë zëri i lartë i muzikës që shqetësonte fqinjin shqiptar, Lorenc Priftin, me profesionin e furrtarit.
Festa e Francesco Maria Pennacchi ka shqetësuar dhe prishur gjumin e familjes së shqiptarit Prifti, që jetonte me gruan dhe një fëmijë, ndërsa punonte në një nga furrat më të njohura të zonës për prodhimin e bukës. Shqiptari i ka kërkuar Penacchit dhe miqve të tij që të ulnin zërin e muzikës.
Këtu ka lindur debati mes tyre dhe më tej nisi një sherr e përleshje. Prifti ka shkuar në apartament duke marrë në thikë të madhe në kuzhinë. Ai e ka goditur 32-vjeçarin disa herë dhe është arratisur nëpër rrugicat e Velletres.

Karabinierët mundën ta kapnin shqiptarin pak minuta më pas në rrugët e qytezës dhe nuk ka bërë rezistencë, teksa ka pranuar se e kishte goditur italianin./tvklan.al

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...