Published On: 18 Gusht, 2017

Vajza fejohet me djalin 10 vjet më të madh, pas refuzimit ai e përdhunon: Mos trego!

Policia e kryeqytetit ka shpallur në kërkim një 30-vjeçar, i cili është denoncuar për marrëdhënie seksuale me dhunë nga e fejuara e tij.

Kallëzimi në ngarkim të tij është bërë në Komisariatin nr.1 nga 20-vjeçarja me iniciale R.L., e cila pretendon se i dyshuari ka kryer marrëdhënie seksuale me dhunë dhe jashtë dëshirës së saj, përgjatë dy muajve të fundit.

Shërbimet e Komisariatit nr.1 kanë shkuar menjëherë në adresën ku supozohej se ndodhej i dyshuari me iniciale J.H., por ai nuk është gjetur aty.

Nga ana tjetër, edhe vetë e dëmtuara, në deklarimet e saj ka treguar se prej disa ditësh telefoni i tij del vazhdimisht i fikur dhe ai nuk u është përgjigjur as mesazheve të saj.

Policia tha se nuk përjashtohet mundësia që ai të jetë larguar nga Shqipëria, pasi herën e fundit që ka abuzuar seksualisht me të fejuarën e tij, 10 vjet më të vogël, kjo e fundit e ka paralajmëruar se do ta denonconte në Polici.

Vajza ka treguar se ishte fejuar me 30-vjeçarin para rreth 6 muajsh, ndërsa dy muaj më parë ai e ka përdhunuar, pasi ajo kishte refuzuar që të kryente marrëdhënie seksuale me dëshirë me të. Pas këtij momenti, i dyshuari i ka premtuar vajzës që nuk do të abuzonte më me të, por nuk duhej t’i tregonte askujt. E megjithatë, vajza ka deklaruar se nuk kishte ndodhur ashtu.

Ai kishte vijuar të abuzonte seksualisht me të, në banesën e prindërve të tij, por edhe të vajzës, sa herë që ndodhej vetëm me të. Madje, vajza pretendon se edhe është dhunuar fizikisht e psikologjikisht nga 30-vjeçari, i cili e kërcënonte që të mos i tregonte askujt, në të kundërt do të ndahej me të dhe do t’u bënte keq familjarëve të saj.

Herën e fundit kur është abuzuar ndaj saj, vajza ka arritur të dalë nga shtëpia e tij, duke e paralajmëruar se do të shkonte në Polici.

Megjithatë ajo nuk është paraqitur menjëherë në Polici, pasi ka tentuar të bisedojë me familjarët e të fejuarit, të cilët nuk i janë përgjigjur në telefon.

Të njëjtin veprim ka kryer edhe vetë i dyshuari. Në fund ajo ka vendosur që ta denoncojë për veprimet e dhunshme që ai kishte kryer ndaj saj.

Burimi: Panorama

A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...