Published On: 18 Gusht, 2017

“Udhëheqja e Prishtinës ka pasur dhe ka një mal dështimesh në qeverisje”

Ish-asamblisti i LDK-së në Prishtinë, Flamur Shala, ka kritikuar Lëvizjen Vetëvendosje për dështimet e saj gjatë katër vjetësh qeverisjeje në kryeqytet, duke thënë se për keqadministrimin e resurseve dhe keqmenaxhimin e buxhetit përgjegjës janë kryetari Shpend Ahmeti dhe tashmë ish-nënkryetari Dardan Sejdiu.

Shala, i cili në korrik ka dhënë dorëheqje nga pozita e asamblistit, thotë se edhe pse janë kundërshtarë politikë, nuk ka pritur asnjë herë se dështimi i Lëvizjes Vetëvendosje në Prishtinë të ishte kaq i madh.

Duke përkujtuar se Kuvendit të Prishtinës nuk i kanë mbetur afërsisht edhe një muaj deri në fillimin e fushatës së re zgjedhore, Shala thekson se nuk duhet të ketë komoditet për asnjë parti politike, përfshirë edhe LDK-në.

Komunikata e plotë e Shalës:

Dështimet e askujt nuk i mbulon as justifikon asnjë gjë, as dështimet për 4 vjet të VV në Prishtinë. Udhëheqja e Prishtinës ka pasur dhe ka një mal dështimesh në qeverisje, për të cilat kam folur, debatuar e shkruar për to për gati 4 vjet. Të gjitha kanë ndodhur nga keqadministrimi i resurseve, deri te planifikimi e keqmenaxhimi i buxhetit. Përgjegjës janë dy njerëz, kryetari dhe nënkryetari i Prishtinës, punën e të cilëve e kam përcjellë në vazhdimësi, për gati 4 vjet të udhëheqjes së tyre. Edhe pse jemi kundërshtarë politikë, nuk kam pritur asnjë herë se dështimi i tyre mund të jetë kaq i madh.

A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...