Published On: 17 Korrik, 2017

Të gjithë për shkollën shqipe – Ftesë

 

Kryesia e Këshillit për Mësimin Plotësues në Gjuhës Shqipe në Bavari ju drejtohet: bashkëkombësve-mërgimtar, shoqatave dhe biznesit që veprojnë dhe jetojnë në Gjermani, konkretisht në Bavari, të jeni pjesë e  pandashme e projektit, për Shkollën Shqipe, njëkohësisht të bashkuar ta gjejmë rrugën e mundshme për të qenë ky projekt i realizuar dhe i suksesshëm. Projekt, që ka për qëllim të hapë dritën, nëpërmjet gjuhës shqipe, ku për fat të keq sikur ka filluar me të madhe të zbehet gjuha amtare, pra, gjuha shqipe, te  fëmijët tanë mërgimtarë.

KMPGJSH, përpos shumë takimesh dhe bisedave, për shqetësimin e përbashkët që e kemi si mërgatë, ka zhvilluar veprimtarinë e vet, në bazë të nevojës dhe kërkesave të mërgimtarëve shqiptarë, për zhvillimin e Mësimit Plotësues në Gjuhën Shqipe.

Duke u mbështetur në nevojën e domosdoshme shpirtërore e kulturore, ne, KMPGJSH i drejtohemi çdo bashkatdhetari, shoqatave dhe bizneseve që ta ndihmojnë projektin e Mësimit Plotësues në Gjuhën Shqipe nga fakti se, ky projekt pa ndihmën e çdo shqiptari mërgimtar, nuk do të jetë i suksesshëm! Mësimdhënësit, duhet paguar për mësimdhënie dhe për këtë, inkuadrimi i juaj është shpresë e fëmijëve tanë, Shkollës Shqipe në Bavari, që të mos e harrojnë gjuhën, kulturën, atdheun e të parëve,pra, identitetin e tyre.

Andaj kërkojmë nga ju, përpos bashkëpunimit, këshillave, vërejtjeve edhe anën profesionale si udhërrëfyes, që rrugëtimi i hapjeve të klasave në Gjuhën Shqipe të mos zbehet, por të shtohet aty ku ka fëmijë shqiptarë. Sëbashku, të bëhemi promotor të këtij projekti, nga fakti se shkolla shqipe është e drejtë dhe detyrë e të gjithë shqiptarëve, që ta kultivojmë e ta investojmë. Të gjithë të bashkuar në këtë rrugëtim për ta finalizuar projektin në fjalë.

Po ashtu KMPGJSH për të gjithë ata mërgimtar,që kanë fëmijët për shkollë shqipe, sheh si të arsyeshme pagën për një nxënës 10 euro, për të dytin dhe të tretin nga 5 ero në muaj, shumë që nuk e rëndon xhepin e mërgimtarit, po që mundëson sado pak një pagë solide për mësimdhënësin.

KMPGJSH me shpresë dhe arsye i drejtohet bashkëkombësit mërgimtar, biznesit, shoqatave, që së bashku të jemi në interesin të shkollës shqipe. Gjë që ky vullnet, që dhe është vullnet i gjithë mërgatës shqiptare, do të reflektoj pozitivisht tek çdo mërgimtar, kurse ngrohtësia e gjuhës shqipe do të  hynë në shpirtin e çdo nxënësit mërgimtar-shqiptar, po që ne ja ofrojmë shpresën, shkollën shqipe.

KMPGJSH, për të gjithë ata që kanë shprehur gatishmëri për ta ndihmuar shkollën shqipe, ju ofron ligjërisht kontonumrin.

Liga der albanischen Lehrer und Eltern in Bayern

e.v. Stadtsparkasse München,  Sparkassenstraße2 

Iban.: DE37 7015 0000 1004 8179 44   bic.: SSKMDEMMXXX,

 

Në emër të KMPGJSH-së uroj që kjo thirrje të shkojë tek çdo mërgimtar, që e prek në zemër gjuha e ëmbël, gjuha  e  bukur e perëndisë, gjuha e atdheut, gjuha më e vjetër, gjuha shqipe!

 

 Për: KMPGJSH, kryetari

Mustafë Krasniqi

Munih, 02.07.2017            

   

Kuvendi i Gjilanit miratoi emrimin e rrugës: "Mërgimtarët e Gjilanit" në shenjë nderimi e falënderimi për kontributin e juaj për Lirinë, Pavarësin dhe Republikën! #Mirësevini n'shpi!
A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...