Published On: 26 Tetor, 2016
Bota |

Seri tërmetesh në qendër të Italisë, shemben ndërtesat në disa zona (Foto)

Një seri tërmetesh kanë tronditur këtë mbrëmje zonën qendrore të Italisë. I pari ka rënë në orën 19:11, me fuqi 5.4 ballë, ndërsa i dyti në 21:18, 5.9 ballë.

Epiqendra është lokalizuar në Valnerina, në zonën mes qyteteve Peruxha dhe Maçerata. Lëkundjet sizmike janë konfirmuar nga Instituti kombëtar i Gjeofizikës dhe Vullkanikës, raportojnë mediet italiane online.

Sipas këtyre burimeve, disa skuadra shpëtimi janë dërguar në disa fraksione të komunave të zonës së epiqendrës, të cilat rezultojnë të izoluara.

Zonat në fjalë janë Kastelsantanxhelo, Usita dhe Viso. Burimet shtojnë se një kishë në lokalitetin Norçia është shembur dhe mund të ketë edhe ndërtesa të tjera të rrënuara.

“Për momentin nuk kemi të dhëna për të plagosur apo viktima. Situata më e rëndë paraqitet në Kastelsantanxhelo, në Nera, ku mungon energjia elektrike”, ka deklaruar ndërkohë kreu i Mbrojtjes Civile, Cesare Spuri.

Zyrtari ka bërë me dije se shembje ndërtesash janë verifikuar në Viso, ndërsa ka shtuar se, janë hapur qendrat operative nëpër provinca.

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...