Published On: 17 Korrik, 2017

‘Qytetarët që jetojnë nëpër ndërtesa të larta nuk e dinë ende rrezikun se ku jetojnë’

Qytetarët që jetojnë nëpër ndërtesa të larta nuk e dinë ende rrezikun se ku jetojnë, kështu u tha në debatin ku u diskutua për degradimin dhe pasigurinë në ndërtesat e banimit.

Shyqeri Kabashi nga Kolegji “Biznesi”, ka thënë të ketë argumente që certifikimin e personave për trajnim për përdorimin e aparateve të zjarrit e bën ndërmarrja ndërtimore e cila merret me tregti.

“Për të mos ardhur deri tek tragjedia, duhet të dihet çfarë lloji i ashensorit duhet të vendoset, sa është i përballueshëm, sa kate i ka objekti, rryma në cilin vend është e vendosur, çfarë lloji i kabllove është përdorur, çfarë temperature duhet me pas, ku janë hidrantët e vendosura, ku dëshirojmë ne apo ku duhet të jenë, ku duhet të jenë aparatet kundër zjarrit, pra që qytetari duhet të jetë ai i pari që duhet të merret me shuarjen e zjarrit deri sa të vijnë zjarrfikësit në ndërtesë. As ato pajisje minimale nuk i kemi. Në Tiranë që është djegur një grua shtatzënë dhe askush nuk merr përgjegjësi”, tha Kabashi në emisionin ‘Puls’ në KTV.

Ai thotë se shumica e qytetarëve nëpër ndërtesa të larta nuk e dinë ende rrezikun se ku jetojnë dhe se gjithmonë nisen prej asaj nuk ka ndodhë dhe nuk do të ndodhë.

“Tek banesat e vjetra ka mundësi kyçjeje nga zjarrfikësit kurse tek banesat e reja nuk ka mundësi kyçjeje për ta. Sugjerimi është të vetëdijesohemi që këto ndërtimet e rejat duhet të bëhen me parametra dhe të veprohet sipas këtij ligji, edhe nëse është i keq, dhe të amandamentohet urgjentisht”, u shpreh Kabashi.

Kuvendi i Gjilanit miratoi emrimin e rrugës: "Mërgimtarët e Gjilanit" në shenjë nderimi e falënderimi për kontributin e juaj për Lirinë, Pavarësin dhe Republikën! #Mirësevini n'shpi!
A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...