Published On: 26 November, 2016

Për kryeministrin Edi Rama, “Greqia partner strategjik”, kurse për Çamërinë, varr tragjik!


Shkruan: Prof. Dr. Mehdi Hyseni

Barometri diplomatik

*** Amerika dhe NATO-ja janë partnerë strategjikë të Shqipërisë, jo Greqia, as Serbia, as Mali i Zi e as Maqedonia!

*** Sikur Shqipëria ta kishte “partner strategjik” Greqinë, çështja e Çamërisë, do të ishte zgjidhur, të paktën që nga hapja e Shqipërisë ndaj Greqisë dhe ndaj vendeve të tjera fqinje ballkanike (1990-2016).

Sipas kryeministrit Rama: “: Greqia është partner strategjik, me të cilën kemi shumë gjëra për të ndarë së bashku. Interesat e shqiptarëve dhe grekëve janë më të mëdha se atë që mund të na bëjnë këto çështje, të na ndalojnë të ndërtojmë së bashku një të ardhme me të mirë.” (http://klankosova.tv/edi-rama-per-camerine-himaren-shqiperine-natyrore-erdoganin-video/).

Ky konstatim, kushtimisht, mund të pranohet vetëm në kuptimin e bashkëpunimit të biznesit ekonomik, tregtar, mund të thuhet se Greqia “është partner strategjik” i Shqipërisë, por jo, edhe në atë kombëtar, politik, diplomatik dhe ushtarak, në asnjë mënyrë.

-Logjikisht, sikur Greqia të kishte qenë ndonjëherë (gjatë historisë së saj të derisotme) “partner strategjik i Shqipërisë”, ajo nuk do ta kishte pushtuar, aneksuar dhe kolonizuar Eprin ilirik-shqiptar, si dhe nuk do kishte bërë gjenocid (sikurse Serbia) ndaj qindra e mijëra shqiptarëve, të cilat me zjarr dhe me bajoneta i dëboi nga shtëpitë dhe nga tokat e tyre ilirike styrgjyshore shqiptare. Këtë tragjedi të hidhur historike të shqiptarëve e provon edhe problemi i pazgjidhur i Çamërisë.

Sikur Athina të ishte “partner strategjik” i Shqipërisë:

1) Greqia nuk do të kishte paktuar me Bullgarinë, me Serbinë dhe me Rusinë për ta copëtuar Shqipërinë dhe për t’i shfarosur shqiptarët në trojet e tyre etnike të Epirit ilirik;
2) Greqia nuk do të kishte ende në fuqi “Ligjin e Luftës” dhe Platformën e “Megali- idesë”;
3) Greqia, do të kishte lejuar mbi një million shqiptarë, që të riatdhesoheshin në shtëpitë dhe në tokat e tyre në Çamëri, si dhe do t’u njihte të drejtën e tyre ligjore për dëmshpërbilimin e pronave të tyre;
4) Greqia do të kishte njohur të drejtat dhe liritë e pakicës kombëtare shqiptare;
5) Greqia nuk do t’ia kishte imponuar Shqipërisë mitropolitin grek Anastas Janullatos në krye të Kishës Ortodokse Autoqefale Shqiptare (1991-2016);
6) Greqia, do të lejonte hyrjen e çamëve për t’i vizituar të afërmit, shtëpitë dhe pronat e tyre në vendlidnjen-Çamërinë shqiptare.

Tirana ende nuk ka strategji gjithëkombëtare shqiptare, sepse nuk ka zgjidhur asnjë problem të shqiptarëve të kolonizuar në Ballkan (1990-2016).

Ia vlen të theksojmë se, gjatë kësaj periudhe 26-vjeçare, strategjia e Shqipërisë karakterizohej në dy segmente kryesore të saj : 1) Fokusimi i saj për të aderuar në Bashkimin Evropian (BE), integrimi në NATO (2009) dhe 2) Afrimi dhe bashkëpunimi ekonomiko-tregtar, politik dhe kulturorr me vendet fqinje (Greqi, Serbi, Maqedoni dhe Mali i Zi). Kjo është e tëra e strategjisë së Tiranës zyrtare. Ky është suksesi dhe pozitivja e strategjisë shtetërore të Shqipërisë(1990-2016).

Ndërkaq, për sa i përket strategjisë gjithëkombëtare shqiptare, që nënkupton riaktualizimin dhe ndërkombëtarizimin e zgjidhjes së çështje koloniale shqiptare në Ballkan, as kjo qeveri me Edi Ramën në krye nuk ka kurrfarë strategjie të ndërtuar, veç disa deklaratave dhe intervistave retorike të kryeministrit Edi Rama (për motive dhe për qëllime të marketingut të brendshëm politik, të vjeljes së votave dhe të inetresave të tjera partiake dhe shtetërore karrieriste), pa asnjë efekt pozitiv qoftë diplomatik a politik te qeveritë e Greqisë, të Serbisë, të Maqedonisë dhe të Malit të Zi, të cilat, deri tani nuk kanë dhënë asnjë “shenjë të gjelbër” për zgjidhjen e çështjeve dhe të problemeve ekzistuese ndërshtetërore (me bagazh të së kaluarës historike dhe gjeopolitike më se njëshekullore).

Derisa mungon një strategji e këtillë gjithëkombëtare nga ana e Tiranës zyrtare, nuk mund të konfirmohet se qeveria e Edi Ramës ka ndonjë strategji konkrete për zgjdhjen e çështjes çame, pavarësisht se çfarë ai deklaroi në intervistën dhënë analistit të njohurt grek Alexis Papahelas për TV “Sky”, më 23 nëntor 2016.

Intervista e Ramës, të riformulohet në akt zyrtar të qeverisë së Shqipërisë dhe t’i dërgohet qeverisë së Greqisë

Ndryshe, nuk do të ketë kurrfarë efekti dhe rëndësie për zgjidhjen e problemeve të theksuara në përmbajtjen e saj, edhe pse ishte e ekulibruar në kuptimin diplomatik në frymën e mirëkuptimit dhe të fqinjësisë së mirë dhe paqësore mes dy vendeve. Kjo është e pranueshme, edhe sipas së drejtës ndërkombëtare, që shtetet anëtare të OKB-së,mosmarëveshjet dhe problemet e tyre t’i zgjidhin me mjete dhe në mënyrë paqësore.

Mirëpo, për ta konkretizuar këtë intervistë, kryeministri Edi Rama, nevojitet, që përmbajtjen e saj ta hedhë në një akt immediat zyrtar të qeverisë së Shqipërisë dhe, të njëjtën t’ia dërgojë për shqyrtim qeverisë së Greqisë. Ky potez, do të dëshmonte se qeveria e Ramës vërtet është einteresuar dhe ka strategjinë e saj për zgjidhjen në pako të problemve mes dy vendeve. Ndryshe, me intervista, me deklarata, me komente dhe me analiza deklarative sensacionale dhe atraktive për opinionin medial , nuk zgjidhen problemet historike, poltike, kombëtare dhe shtetërore të Shqipërisë (1878-2016), sado qofshin kuptimplote dhe të justifikushme.

Pra, qeveria e Shqipërisë është ajo që zgjidh problemet ndërshtetërore me vendet fqinje, jo shtetarët dhe liderët politikë me deklaratat dhe me intervistat e tyre për interesa, për motive dhe për efekte politike retorike.

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...