Published On: 7 Nëntor, 2016

Palokaj: Në asnjë dokument të BE-së Kosova nuk figuron si shtet

Kosova në asnjë dokument të Bashkimit Evropian nuk figuron si shtet pasi që pengesë për një gjë të tillë janë shtetet që nuk e kanë njohur atë.

Një gjë të tillë e ka thënë korrespodenti i Grupit Koha nga Brukseli, Augustin Palokaj në forumin e organizuar nga KFOS me temën “Kushtëzime, sfida dhe reforma drejt BE-së”.

Andaj sipas Palokajt, i cili e ka bërë edhe një hulumtim rreth anëtarësimit të Kosovës në BE, Kosova ynë nuk është mirë të caktojë data për anëtarësimin në Bashkimin Evropian.

“Unë nuk kam takuar askënd në Bruksel i cili mendon se Kosova mund të fillojë negociatat e anëtarësimit pa u njohur nga të gjitha shtete sepse negociatat mund të hapen dhe mbyllen me të ashtuquajtura konferenca ndërqeveritare. Komisioni Evropian mban rol kryesor në përgatitjen e pozicioneve , bërjen e raporteve , vlerësimin e përmbushjes ë kritereve për hapjen e kapitujve apo përmbylljen mirëpo Komisioni nuk negocion, negociojnë shtetet anëtare dhe në këtë mënyrë pa u njohur nga të gjitha shtete, secili shtet pasi që kemi parë bllo0kadën e marrëveshjes tregtare me Ukrainën në rastin e Holandës apo rastin e marrëveshjes tregtare me Kanadanë. Në 28 shtete anëtare ekzistojnë diku 70 parlamente të ndryshme ku duhet të japim pëlqimin për secilin marrëveshje që BE bënë me një shet tjetër e këtu përfshihet edhe traktati për zgjerim me vendet tjera. Gjithsesi këtu n uk do të thotë se Kosova duhet të humb shpresën por duhet të përmbahemi nga ambiciet eventuale dhe nga përmendjet e datave”, tha Palokaj.

Duke iu kundërpërgjigjur Palokajt, kryeministri Isa Mustafa tha se Kosova, marrëveshjen e parë me BE-në e ka nënshkruar si shtet dhe si asgjë tjetër, transmeton kp.

“Para tre-katër ditësh është mbushur një vit kur ne e kemi nënshkruar marrëveshjen e MSA-së për të cilën Augustini foli. Unë marrëveshjen e e kam nënshkruar si kryeministër i Republikës së Kosovës, në emër të shtetit të Kosovës dhe detyrimet të cilat i kemi marrë ne në marrëveshjen e MSA-së janë detyrime të cilat i kemi marrë si shtet, jo si ndonjë krijesë tjetër dhe unë në asnjë rast nuk do të dëshiroja që edhe në këtë rast ne ta shohim veten ndryshe”, tha Mustafa.

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...