Published On: 31 Maj, 2017

Pacolli ne tribunë me trashëgimtaren e Rugovës: Do ta kthejmë lavdinë e kohës së Presidentit

 Mjaft me agoninë 18 vjeçare!

 

Në prani të një numri të madh të qytetarëve, Aleanca Kosova e Re bashkë me partnerët e koalicionit LDK-LD-Alternativa, ka hapur sot fushatën zgjedhore edhe në lagjen “Kodra e Trimave”, në Prishtinë.

 

I përcjellur nga brohoritjet e shumta të qytetarëve Presidenti i Aleancës Kosova e Re,z. Behgjet Pacolli, doli në skenë i shoqëruar nga vajza e Presidentit historik të Kosovës Dr.Ibrahim Rugova, znj. Teuta Rugova, duke i shprehur kështu mirënjohjen më të thellë për jetën e veprimtarinë e presidentit historik Dr.Ibrahim Rugova.

Pacolli ju ka bërë thirrje qytetarëve të pranishëm që të votojnë për të ardhmen dhe për perspektivën e Kosovës. “Deri tash Kosova është dhunuar, zhvatur e keqtrajtuar, ky është fundi. Koalicioni i territ duhet të largohet, tash është koha për njerëz të dijës dhe për njerëz qe e duan qytetarin e Kosovës.” Ka thënë i pari i AKR-së dhe ka shtuar se koalicioni AKR-LDK-LD-Alternativa ka përgatitur një program të dinjitetshëm, i cili do ta trefishojë buxhetin dhe do ta rrit GDP-në.

“Do të krijojmë grupe proaktive të cilët do të punojnë me idetë tuaja dhe do t’i financojnë ato. Prandaj dilni votoni për të ardhmen tuaj, ky koalicion i ka njerëzit e dijshëm dhe me duar të pastra’, ka thënë më tutje Presidenti Pacolli.

 

Kandidati për kryeministër Avdullah Hoti tha se koalicioni AKR-LDK-LD-Alternativa i ofron qytetarit një kontratë për të rritur buxhetin, pensionet dhe mirëqenien e qytetarëve të Kosovës. “Programi ynë është program i zhvillimit ekonomik i cili do ta qojë Kosovën drejtë perspektivës evropiane”, ka thënë Avdullah Hoti.

 

Më pas para qytetarëve u prezantuan edhe kandidatët e koalicionit për deputetë të cilët vijnë nga rajoni i Prishtinës.

Kuvendi i Gjilanit miratoi emrimin e rrugës: "Mërgimtarët e Gjilanit" në shenjë nderimi e falënderimi për kontributin e juaj për Lirinë, Pavarësin dhe Republikën! #Mirësevini n'shpi!
A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...