Kosova

Osmani: LDK-ja po e Kopjon PDK-në

Deputetja e LDK-së Vjosa Osmani kuvendin e punës së kësaj partie e vlerësoi me shumë probleme.

Ajo tha se LDK-ja po e kopjon PDK-në, duke e quajtur kuvendin e punës konventë.

 “Fatkeqësisht ka pasë shumë probleme. E para është kopjimi i emërimit të kësaj mbledhjeje. Ata po e kopjojnë PDK-në, duke e quajtur këtë mbledhje si konventë, a në fakt ne e kemi quajtur gjithmonë Kuvend,” tha Osmani.

Emërtimi zyrtar i mbledhjes së sotme të strukturave të LDK-së është Kuvendi i Punës, ndërsa në kllapa është futur edhe fjala konventë.

Osmani foli edhe për largimin e Donika Gërvallës. Tha se pati kërkesë për lidershipin e LDK-së që t’i kërkojë falje asaj, por ky lidership nuk e mori këtë guxim.

Sipas Vjosa Osmani, rreth 90% e njerëzve që janë në ketë Kuvend, nuk kane qenë më herët anëtarë te LDK-së në vitet e ‘90.

“Nëse Kadri Veseli do të vinte sot në këtë Kuvend të LDK-së, atij nuk do t’i kërkohej ftesë, andaj pse nuk është lejuar te hyjë zonja Gërvalla, meqë sot në ketë Kuvend ka shumë mysafirë,” tha në mes tjerash Osmani.

Related Posts

Leave a Reply

Your email address will not be published. Required fields are marked *