Published On: 23 Tetor, 2016

MASHT nxënësve u ofron punë praktike në kompani private, pa kompensim !

Ministria e Arsimit, Shkencës dhe Teknologjisë ka filluar nënshkrimin e disa marrëveshjeve me kompani të ndryshme private e publike, me qëllim të mundësimit të kryerjes së punës praktike për nxënësit e shkollave të mesme profesionale.

 Mirëpo, për punën të cilën do ta kryejnë nxënësit në këto kompani, nuk do të kompensohen, pasi një gjë e tillë nuk është përfshirë në marrëveshjet e MASHT-it.

Po ashtu, MASHT nuk ka arritur ta fus si pikë të marrëveshjes as kompensimin e shpenzimeve të udhëtimit dhe shujtës për nxënësit që do ta mbajnë një orar të punës në këto kompani.

Udhëheqësja e Divizionit për Arsim dhe Aftësim Profesional dhe Arsim për të Rritur, Ryve Prekorogja, ka thënë për Kosovapress se për pagesën e shujtës dhe udhëtimit janë marrë vesh me fjalë por nuk kanë diçka të shkruar për një gjë të tillë.

Megjithatë, për t’iu ofruar nxënësve punë praktike, MASHT deri më tani i ka nënshkruar gjashtë marrëveshje me disa kompani vendore.

Ndërsa, përveç gjashtë nënshkrimeve, MASHT deri më tani ka arritur marrëveshje me rreth 40 kompani të ndryshme, të cilat sipas Prekoragjës kanë pranuar të bashkëpunojnë në këtë drejtim dhe ka mbet të nënshkruhen marrëveshjet.

Udhëheqësja e Divizionit për Arsim dhe Aftësim Profesional dhe Arsim për të Rritur thotë se me marrëveshjet e nënshkruara, nuk është i kufizuar numri i nxënësve që mund të kryejnë praktikën, mirëpo detajet tjera sipas saj rreth numrit, kohëzgjatjes së praktikës etj, duhet t’i bëjnë shkollat.

Kurse, sa i përket vlerësimit të nxënësve, Prekoragja ka deklaruar se deri më tani mësimdhënësi e ka notuar nxënësin për mësimin teorik kurse menaxheri i ndërmarrjes për punë praktike.

MASHT së shpejti pritet ta organizoj edhe një konferencë për punën praktike në të cilën pritet të marrin pjesë rreth 200 ndërmarrje me të cilat do të diskutohet mundësia e punës praktike dhe sfidat që dalin në këtë drejtim.

Puna praktike dhe marrëveshjet që po i bënë MASHT kanë për qëllim përgatitjen e nxënësve të shkollave profesionale për treg të punës.

Ndërsa, kjo nuk vlen edhe për gjimnaze pasi që nxënësit e tyre përgatiten për studime universitare. /KosovaPress/

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...