Published On: 23 Tetor, 2016

Majko: Nëse preket sovranitetit i Kosovës, Shqipëria implikohet në konflikt me cilindo

Deklaratat e Kryeministrit të Shqipërisë Edi Rama për Kosovën, në vizitën e fundit në Beograd, nxiti diskutime jo vetëm të qytetarëve të Kosovës, por edhe zyrtarëve të institucioneve të vendit, se ai nuk mund të flas për Kosovën, përderisa kjo e fundit është shtet dhe ka përfaqësuesit e saj.

Se a ishin të drejta këto qëndrime, deputeti socialist dhe ish-kryeministri i Shqipërisë Pandeli Majko, në një intervistë për KosovaPress është shprehur se ka pasur tejkalim, por nuk duhet të ngrihet në nivelin për të krijuar vakum midis Shqipërisë dhe Kosovës.

Sipas Majkos, do të mjaftonte një vizitë urgjente në Tiranë e ministrit të Punëve të Jashtme të Kosovës, Enver Hoxhaj, që të mund të zgjidhej kjo çështje, duke mos u bërë konsumues të deklaratave, që shumë analistë i marrin dhe i kthejnë në doktrina për të krijuar dallime midis Shqipërisë dhe Kosovës.

 Majko ka vlerësuar se ka ekzistuar mos informimi mes Qeverisë së Shqipërisë dhe Kosovës se çfarë do të diskutohet në Beograd, e që sipas tij ky është problemi esencial.

E nëse Kosova dhe Shqipëria do të shkojnë përballë Serbisë të pakoordinuara, Majko theksoi që sërish do jemi përballë një historie të tillë.

Për këtë ai tha se vlerëson ndjeshmërinë e Prishtinës, e që Shqipëria duhet të iu shpjegoj të gjitha institucioneve të Kosovës se çfarë ka ndodhur.

“Si qytetar i Kosovës e vlerësoj shumë ndjeshmërinë e Prishtinës dhe në këtë drejtim mendoj se Shqipërisë i nevojitet një punë shumë specifike edhe nga ana njerëzore për t’i shpjeguar të gjithë përfaqësuesve të institucioneve të Kosovës atë çfarë ka ndodhur”, tha Majko.

 Tejkalimi i deklaratave të Ramës në Beograd, sipas Majkos duhet të përdoret si një mësim për të ardhmen, duke shtuar se Kosova është shtet, ka një elitë shtetërore, e cila duhet respektuar.

Ish kryeministri shqiptar vlerëson se Kosova dhe Shqipëria janë vëllezër dhe nuk ka gardh për t’i ndarë, por duhet kuptuar që kanë historinë e dy vëllezërve që kanë shtëpitë e veta.

“Dhe duhet bërë një mësim për ata që do të vijnë më pas. Ka një mënyrë të pa mësuari edhe për një pjesë të elitës politike në Shqipëri që e mendon ende Kosovën edhe shtet edhe jo shtet. Kosova është shtet, ka një elitë shtetërore e cila duhet respektuar nga fillimi deri në fund sikur që respekton një shtet të cilin nuk e ke fqinj pavarësisht që jemi vëllezër”, ka shtuar më tej Majko.

Megjithatë, Majko ka theksuar se nëse preket sovranitetit i Kosovës, Shqipëria implikohet në konflikt me cilindo.

“Ne mund të mos jemi lojtar global, por ne mbetemi vendi i cili nëse preket sovraniteti i Republikës së Kosovës, Shqipëria hyn dhe implikohet automatikisht në konfliktin me cilindo”, ka thënë Majko.

Veç tjerash deputeti socialist ka shtuar se Kosova dhe Shqipëria duhet të ndërtojnë politika të përbashkëta.

Ai theksoi se kryeministrat e ministrat shqiptarë e kanë të nevojshëm të bëjnë takime të përbashkëta në qendra të tilla si ajo në Bruksel, e që askush nuk do të mund të akuzonte se po bëhet Shqipëria e Madhe.

“Nuk do të mund ta imagjinoja se si do funksiononte turizmi shqiptar pa shqiptarët e Kosovës dhe shqiptarët e Maqedonisë. Nisur nga këto ne kemi shumë elemente të cilat duhet të diskutojmë dhe duhet të ndërtojmë politika të përbashkëta sepse jemi shqiptar, në dy shtete të ndryshme”.

E lidhur me diskutimet, “kosovar apo shqiptar”, Majko është shprehur se shqiptaret e kanë provuar mjaftueshëm njëri tjetrin në momente të vështira, dhe pikërisht në këto momente, shqiptarët duhet të jenë bashkë, dhe nuk kanë asnjë arsyeje në botë për të mos qenë bashkë.

“Diskutojmë elemente, probleme të cilat më shumë se që janë krijuar nga politikanët e Shqipërisë dhe Kosovës janë pjesë e një strategjie e cila përgjithësisht vjen nga Beogradi e cila përpiqet t’i thotë ndërkombëtareve, Brukselit që marrëdhënia e tyre me shqiptarët është në Tiranë dhe jo në Prishtinë”, tha ai. /kp/

Loading...
 
Displaying 4 Comments
Have Your Say
  1. Ukshin thotë:

    Lidhje me pjesmarrjen e Rames ne Beograd unë e kam mendimin se nuk asht Dasht Rama te shkoj atje pa pjesmarrje
    n edhe të Kosoves nga se kur Serbia ne e pranon Kosoven atëhere edhe Shqiperia nuk duhet të shkoj atje.Jemi nji popull dhe te mirat dhe të kqijat na takojn të dy shteteve tona. Rama vetem asht Dasht me than se unë nuk muej me marr pjes ne at mbledhje pa marr pjes edhe Kosova.

    Me nderime
    Ukshini
    Suedi

    Përgjigjiuni
    Pelqej(0) Nuk Pelqej(0)
  2. m.muharremi thotë:

    Fadil i nderuar ,me vjene keq por , te gjitha keto gjera te sakta qe thua z .Majko piken e fajit se ka.Pandeli Majko ka ngele dhe eshte nji patriot i vertet ,nji hero i Kosoves.Ateher kur ai u deshe ta kryente punen e tij ,ai ne menyre spektakulare e kreu dhe populli z.Majko per kete e mbane mend dhe s do ta harroje kurre.Per ate cfare ndodhi pase luftes ne Kosove, ate se pyeti kush dhe kurrefare ndikimi ai s ka mundur te kete por ,faji eshte diku tjeter ketu ne Kosove andaj , “trimin vra , e hakun mos ja ha ” Fadil…!

    Përgjigjiuni
    Pelqej(5) Nuk Pelqej(0)
  3. Fadil thotë:

    Po ti mor z, Majko, a po na thua mor, ” i uruar”;
    -kur, edhe tash pas 17 vitesh “lirie”,
    Kosovës po i preket sovraniteti nga Serbia Fashiste e Daçiqit
    dhe nga qeveria “kosovare” e kuislingut me damkë, Isë Mustafës,
    në kuali-cion me renegatët e Luftës Çlirimtare të, HTH;
    -andej nga veriu i Kosovë-Shqipërisë, -pastaj, kur kudo kanë ngritë kokat të prishura çetnikët e Serbisë në Kosovën Lindore dhe në brendi të trupit të plagosur të Kosovës, me prerje brezash me enklavat e tyre, ku shqiptarët nuk kanë pushtet as sovranitet, atje ku edhe ministrat e qeverisë kukull, nuk mund të dalin andej, kah “republika srbska” e pashpallur; në Graçanicë, vetëm 10 km, larg Prishtinës dhe gjetiu…,-pse, Shqipëria nuk po hyn në konflikt?!
    Llafe të kota, i ke(ni),-zotërote!
    “Një udhë që shihet, (sinjalist) kallauz nuk donë”!
    (Populli)
    24. Tetor, 2016

    Përgjigjiuni
    Pelqej(3) Nuk Pelqej(2)
  4. Basri thotë:

    Respekt z. Majko

    Përgjigjiuni
    Pelqej(7) Nuk Pelqej(0)

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...