Published On: 17 Maj, 2017

Kriza e Trumpit lëkund tregjet financiare në Amerikë

Tregjet financiare amerikane ishin bërë gati për ditën e tyre më të zezë, për herë të parë pas shumë muajsh, nga frika se telashet që kanë përfshirë presidentin Trump do të cënojnë aftësitë e tij për të realizuar reformën rregullatore të taksave.

Tre treguesit kryesorë të Wall Street ranë me më shumë se 1.4 për qind dhe dollari humbi avantazhet që kishte fituar që nga zgjedhja e Trump.

Rosen Center
Treguesi i “S&P 500” arriti në 1.62 për qind, duke humbur 2.361 pikë. Ndërsa ai i Nasdaq humbi 2.3 për qind, ose 6.028 pikë.

Optimizmi i nxitur nga politikat pro-rritjes ekonomike të presidentit Trump kishte sjellë një fuqizim të tregjeve financiare, që prej zgjedhjes së tij në nëntor.

Por polemikat e shkaktuara së fundmi nga shkarkimi i drejtorit të FBI-së, James Comey dhe skepticizmi për aftësinë e administratës për të çuar përpara politika të reja në Kongres në një afat të shkurtër ka shkaktuar pesimizëm në bursa, përcjell TCh.

“Po hyjmë në një ngërç për shkak të prishmërive fillestare nga presidenca Trump. Gjithçka po kthehet mbrapsht. Jemi shumë të shqetësuar sepse do të duhet kohë që kjo situatë të tejkalohet”, deklaroi Joseph Benanti, menaxher financiar.

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...