Published On: 19 Gusht, 2017

Kërkohet zgjidhja e statusit të Sanxhakut

Këshilli kombëtar boshnjak i Sulejman Uglaninit sot në Novi Pazar ka kremtuar 100 vjetorin e Deklaratës së Sjenicës me të cilën ishte kërkuar shkëputja e Sanxhakut nga Serbia e Uglanin sot ka kërkuar ndihmën ndërkombëtare në zgjidhjen e statusit të përhershëm të Sanxhakut dhe statusin e boshnjakëve në Sanxhak, transmeton Koha.net

Deklarata Sjenicës është bërë në vitin 1917 gjatë pushtimit të Serbisë kur prefektët dhe kryetarët e 12 komunave të Sanxhakut miratuan dokumentin me të cilin nga Austro-Hungaria kërkohej që Sanxhaku të shkëputej nga Serbia e Mali i Zi dhe t’i bashkohej Bosnjë e Hercegovinës, përkujtojnë medie serbe.

“Ftoj Bashkimin Europian, Kombet e Bashkuara, OSBE-në që të gjejnë mënyrë që popullit boshnjak, që është popull autokton në Sanxhak, i cili i ka të gjitha atribute popullit, ka kulturën e vet, gjuhën, fenë, që ka qenë korpus unik kombëtar me boshnjakët e Bosnjës, të jemi pjesë në zgjidhjen paqësore të krizës jugosllave dhe të rrugës europiane të Serbisë, citon “kurir” i Beogradit të ketë thënë sot Uglanin.
“Ne si popull me vetëdija kombëtare, politikisht të zgjuar dhe të organizuar mirë, duam të kërkojmë mënyrë që të zgjidhim statusin e Sanxhakut dhe të boshnjakëve, ka shtuar ai.

Uglanin nga bashkësia ndërkombëtare pret të ndihmojë në çështjen e zgjidhjes afatgjate të statusit të Sanxhakut dhe të statusit të boshnjakëve si popull autokton në Sanxhak e që aktualisht e bën minoritetin shumicë në Serbi e Mal të Zi, ka thënë ai duke nënvizuar se asi popull ka qenë etnikisht i vrarë, i dëbuar dhe i ndjekur .
“Në mënyrë europiane mendojmë, në mënyrë evropiane jetojmë, në mënyrë evropiane punojmë dhe aktivisht jemi të përfshirë në të gjitha integrimet europiane dhe euroatlantike”, ka thënë ai.

A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...