Published On: 24 Tetor, 2016

Gjermania dëbon 70 mijë shqiptarë për në Kosovë! Vendim që duhej ta merrte Qeveria e Kosovës

Më shumë se gjysmë milioni azilkërkues të cilëve u është refuzuar kërkesa vazhdojnë të qëndrojnë në Gjermani, e me gjasë shumica prej tyre nuk do të deportohen, thonë të dhënat qeveritare gjermane.

Rreth 77,600 prej 549,209 azilkërkuesve të refuzuar janë turq, raporton “Die Welt”, të përcjellë nga ata nga Kosova (68,549) dhe Serbia (50,817).

Nga totali, vetëm një numër i vogël prej tyre do të deportohen, ka raportuar mediumi gjerman, transmeton Koha.net. rreth gjysma e azilkërkuesve tashmë kanë të drejtën e përhershme të qëndrimit në Gjermani, ndërsa rreth një e treta kanë leje të përkohshme qëndrimi.

Nga pjesa tjetër, disave u është kërkuar që të largohen por deportimi i tyre është suspenduar, ndërsa disa të tjerëve që u është kërkuar të largohen nuk e kanë këtë përjashtim, dhe si rrjedhojë rrezikojnë të deportohen.

Disa të tjerë e kanë të pamundur të deportohen duke “iu falënderuar” sëmundjeve, shtatzënive apo atyre që kanë fëmijë të vegjël, transmeton Koha.net.

Në bazë të ligjit gjerman, është e mundshme që të fitojnë leje qëndrim edhe njerëzit pa fëmijë për tetë vjet ndërsa për familjet me fëmijë pas gjashtë vjetësh, me kusht që nuk kryejnë ndonjë vepër penale, kanë së paku shkathtësitë e gjuhës të nivelit A2 dhe “mbijetesën” e kanë të siguruar nga punësimi apo pritet të punësohen në të ardhmen.

Madje, gjithnjë sipas ligjit gjerman, ka mundësi që leje të tilla të fitojnë edhe personat nën 21 vjeç nëse ata kanë jetuar në Gjermani për katër vjet.

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...