Published On: 5 Nëntor, 2016

Familja e Astrit Deharit: Autopsia të bëhet në prezencë të mjekëve të caktuar nga ne

Familja e aktivistët të Lëvizjes Vetëvendosje, Astrit Dehari, i cili vdiq sot në Prizren, ka kërkuar nga Departamenti i Mjekësisë Ligjore, që të mos ia bëjë autopsinë e djalit të tyre pa prezencën e mjekëve të pavarur të caktuar nga vet familja.

Kjo për faktin e deklaratave të autoriteteve kosovare, të cilët e kanë vlerësuar vdekjen e 26-vjeçarit, Astrit Dehari si të dyshimtë.

Ky është reagimi i plotë i familjes së Astrit Deharit:

Për shkak të deklaratave kontradiktore të dhëna nga Prokuroria e Shtetit, Shërbimi Korrektues dhe Policia e Kosovës, familja Dehari kërkon nga Departmenti i Mjekësisë Ligjore që autopsia e trupit të djalit tonë Astrit Dehari të mos bëhet në asnjë mënyrë pa prezencën e mjekëve të pavarur dhe neutralë që do të caktohen nga familja.

Deklarimet institucionale që e cilësojnë si të dyshimtë vdekjen e djalit tonë, si dhe kontradiktat në deklaratat e institucioneve të ndryshme, janë tejet shqetësuese për ne dhe insistojmë që në asnjë mënyrë të mos bëhet autopsia pa prezencën e mjekëve që do të caktohen nga familja.

Familja Dehari,

5 nëntor 2016 

Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...

Kush duhet ti fitojë zgjedhjet në Kosovë?

Shiko rezultatet

Loading ... Loading ...