Published On: 16 Gusht, 2017

Busquets vajton largimin e Neymarit

  • Sergio Busquets thotë se Barcelona ka humbur shumë në pjesën ofensive me largimin e Neymarit dhe kërkon nga klubi të blejë lojtarë.

Ylli brazilian Neymar, u transferua te Paris Saint Germaini për 222 milionë euro, duke u bërë kështu lojtari më i shtrenjtë në histori të futbollit.

Barcelona e di shumë mirë se ka humbur shumë me largimin e Neymarit dhe këtë tani e ka pranuar edhe mesfushori, Sergio Busquets.

“Është e qartë se me largimin e Neymarit ekipi ka humbur shumë në pjesën ofensive”, tha fillimisht Busquets para ndeshjes së kthimit me Realin në Superkupën e Spanjës.

“Është e qartë dhe ju e kuptoni se çfarë lojtari është Neymari. Ekziston vetëm një Neymar, por ai tashmë nuk është me ne dhe duhet të shikojmë para. Shpresoj të vijnë lojtarë me shumë kualitete”, shtoi mes tjerash mesfushori spanjoll. /Gazeta Express/

A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...