Kosova

Buja: Thaçi nuk u arrestua në Serbi pse ishte në UÇK (Video)

Shukri Buja, ish komandant i UÇK-së për Zonën e Nerodimes, aktualisht deputet në Kuvendin e Kosovës, shpjegon deklaratat e tij në Kuvend, të dhëna për Nehat Thaçin, i arrestuar nga policia serbe.

“Ajo çka unë kam deklaruar është publike, listat e ushtarëve janë publike. Nehat Thaçi nuk është arrestuar pse ka qenë në UÇK po pse është shqiptar dhe është drejtor i Policisë së Kosovës”, tha Buja i cili shtoi se lirimi i tij varet nga politika.

“Lirimin e Thaçit nuk e bëjnë avokatët mbrojtës, lirimin e Thaçit e bën politika”, theksoi Buja, në edicionin sontëm “Drejtësia në Kosovë”, kur u pyet për arrestimin dhe paraburgimin e drejtorit rajonal të policisë në Mitrovicë Nehat Thaçit, nga ana e policisë serbe.

 Ai këto komente i bëri pasi u pyet nga emisioni rreth deklarimeve të tij në kuvend së Thaçi ka qenë ushtar i UÇK-së.

Ndërsa në anën tjetër Thaçi, sipas avokatit të tij Vladimir Gajiq, kishte deklaruar ne prokurorinë serbe se nuk ka qenë pjesë e UÇK-së.

Njëri nga avokatet e Thaçit në Serbi, Vladimir Gajiq, ka thënë se deklarata e deputetit Shukri Buja i ka bërë dëm Thaçit kur deklaroi se Thaçi ishte pjesë e UÇK-së.

“Kjo ka qenë një deklaratë e cila nuk i ka ndihmuar fort. Te ne gazetarët dolën dhe thanë së janë demantuar avokatët e Nehatit ndërkaq ne kemi thënë vetëm atë çka Nehati ka thënë para prokurorisë”, theksoi Gajiq për emisionin “Drejtësia në Kosovë”.

Deputeti i PDK-së Shukri Buja kishte deklaruar në seancën e kuvendit se Thaçi ka qenë ushtar i UÇK-së, deklaratë kjo e kundërt me deklarimit e nënkolonelit të policisë para prokurorisë serbe.

Related Posts

Leave a Reply

Your email address will not be published. Required fields are marked *