Published On: 10 Gusht, 2017

A është Kosova para bankrotit?

Koment

Nga Skënder MULLIQI

Vendi i të gjithë neve është Kosova. Të gjithë kemi të drejtë që shteti ynë të bëhet vend i prosperuar, të bëhet shteti më i bukur në botë… Të gjithë jemi njerëz të këtij nënqielli, të cilët detyrohemi para shtetit. Detyrohemi të respektojmë Kushtetutën, të respektojmë ligjet tona. Të gjithë kemi të drejtë të jetojmë të lirë në tokën tonë, të jemi të barabartë para ligjit, ti kemi të garantuara liritë qytetare dhe të drejtat elementare njerëzore… Sot, duket qartazi se vendi ynë nuk është i barabartë për të gjithë… Kategorizimet shoqërore janë theksuar për së tepërmi… Vendi ynë shumë kënd e bëri të pasur pa mund , u banë shumë pasanikë mbrenda natës duke vjedhur pasurinë e popullit. Këta pasanikë të kësaj klase politike në pushtet e kanë pru vendin para  bankrotit. E kanë pru vendin para eskalimit të ndonjë situate të pa pritur. Po na prodhojnë përditë kriza politike dhe kriza institucionale duke mos I dhënë llogari askujt. Neve na mbetet tu tregojmë të gjithë këtyre tregtarëve të fateve tona, së  drejtësia vlen për të gjithë  barabartë. Këta njerëz të elitës politike janë bërë si pllaka e gramafonit të prishur. Po i ndëgjojmë për çdo ditë retorikat e tyre boshe, premtime shumë, e realizime pak. Janë grumbulluar problemet të cilat kërkojnë zgjedhje fatlume, e nuk ka kush i banë këto ndryshime pozitive. Kjo elitë e kalbur politike nuk ka mundësi të ndryshon për të mirë, pas punës së keqe shumëvjeçare. Këta qëllimisht kanë bërë që të kemi ndarje klasash, që të kemi ndarje në baza krahinore dhe farefisnore  dhe që të kemi  edhe ndarje regjionale shumë të dëmshme edhe në pikëpamje kombëtare. Këto ndarje  po reflektojnë keq  në parti, por edhe në pushtet. Është keqkuptuar, është keqpërdorur sistemi shoqëror kapitalist. Kapitalizmi nuk do të thotë më grabitë të mirat materiale kush të qohet më herët në sabah… Kanë mbetur shumë anash interesat tona strategjike, nuk po respektohen vlerat, po shikohen interesat e ngushta .Për kategoritë e ulëta shoqërore është rezervuar varfëria dhe iluzionet së do të bëhet mirë një ditë edhe për ta. Koha po ikën shpejt dhe pamëshirshëm. Dikush naltë në pushtet ashiqare është duke punuar kundër Kosovës. ”Zajednica”, Demarkacioni, kriza politike, kriza ekonomike, krimi dhe korrupsioni janë duke e mbajtur peng Kosovën. Largimi masovik nga vendi është bërë temë në vete… Shqiptarët janë popull pro amerikan dhe pro perëndimorë, e kanë mbetur më të izoluarit në Evropë. Këto grupe politike të interesit janë ata të cilët kanë bërë të errësohet e ardhmja jonë .Hileqarët e katapultuar në pushte po na servojnë çdo ditë rrena, po na shesin kopalla të cilat nuk I han më as qeni. Kanë bërë shtet për veti, e kanë bërë jetën si në parajsë. Këta po të kishim organe të mirëfillta të drejtësisë do të përgjigjeshin  për të gjitha të palarat  e tyre pa vonuar shumë. Mos të demoralizohemi , mos të ndalemi që atdheun bashkërisht ta bëjmë shumë më të mirë. Kemi të drejtë të luftojmë për reformat pozitive të cilat nuk i kemi…

A 5
Loading...
 

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Loading...